#FabulousVeilsNovel#Book Review

من صغري وأنا بحب القراءة. قريت روايات كتير. ولكن لازم أعترف إن رواية Fabulous Veils من الروايات المميزة جدا، مش بس عشان أعرف الكاتبة شخصيا وأثرت في ومازالت تؤثر في وفي ناس كتير حوليها.. ولكن عشان الرواية بتعبر عن اللي جوانا. الرواية بإختصار قالت اللي إحنا مش عارفين نقوله، وبتخاطب كل سيدة وبنت من كل مستوى إجتماعي وكل الأعمار.

إيمان رفعت نجحت إنها تخلينا نبص على نفسنا وعلى مجتمعنا في المرايا.. دخلتنا بأسلوبها الجميل والسلس لأعماق أنفسنا. أظهرت لنا دور وأهمية المرأة اللي كنا قربنا ننساه أو بنحاول نتناساه. ظلم وقهر المرأة ليس بأمر هين، والرواية دي مكتوبة لعل المجتمع يفوق ويدرك قيمة المرأة. ورسالة إلى كل سيدة وبنت في هذا المجتمع.. دوري على حلمك، أسعي أنك تحققيه، متخليش حاجة توقفك، أوعي تسكتي عن الظلم والقمع اللي بتتعرضيله، قولي لأ لأي شخص عايز يقتل طموحك وأحلامك! الجيل الجديد هو الأمل الحقيقي لصلاح هذا المجتمع!

ناس كتير من اللي قرت الرواية قالوا إن كل سيدة في مصر لازم تقرأ الرواية دي.. أنا شايفة إن الرواية دي لكل سيدة وكل ورجل و ليس فقط في المجتمع المصري بل في المجتمعات الأخرى أيضا!

ورغم إن الرواية بتحكي ٣ قصص عن ٣ سيدات من مستوى إجتماعى مخلتف، إلا إن الكاتبة المتمكنة نجحت في إعطاء صورة واضحة بتفاصيل دقيقة، كأننا فعلا عايشين مع الشخصيات دي وعاشرناهم سنين طويلة وأثبتت إن الظلم ممكن يقع على أي مرأة من أي مستوى إجتماعي.

غير إن حبكة الرواية متقنة وبشدة، لازم نثني على أسلوب الكتابة. إيمان رفعت نجحت تاني إني أتفاعل مع كل الشخصيات وأبقى مشتاقة أخلص الرواية عشان أعرف الأحداث في أقصى سرعة.. الكاتبة المتمكنة فقط هي اللي تعرف تشدك للرواية!

المزيج من اللغة الإنجليزية والعربية وأيضا الفرنسية كانت من الحاجات اللي فاجئني وأنا بقرأ الرواية. حسيت إني بقرأ رواية لكاتبة مصرية مثقفة ومبدعة  وكنت فخورة جدا بكده.

أنا شخصيا هتسنى Fabulous Veils 2.. بس مش عشان تناقش مشاكل المجتمع وظلم المرأة، ولكن عشان تناقش حال السيدات والرجال اللي قرأوا رواية Fabulous Veils وقرروا إنهم يطبقوها ويعملوا بيها

رواية مصرية، كاتبة بارعة.. ومش أول مرة أقولها Chapeau بس حقيقي المرة دي غير كل مرة. أحسنت ❤

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s